我破左世界紀錄呀媽媽！！！

20090906

安信x農夫撐撐撐你破世界紀錄音樂會

我破左世界紀錄呀媽媽！！！

多得tony既邀請，我地先可以第一次擁有自己既世界紀錄

夜晚六點幾，同tiff、lox、tony就出發去九展rehearsal

個show成八點先開始，但原來已經有人排緊隊

我地得到既厚禮有：熨金+diecut入場券一張、安信兄弟sticker幾張，仲有大信封一個
(成功破紀錄後人人都有一張熨金證書)

tony仲話：我都係第一次收到公司大信封 … =..=

入到去已經見到鄭融rehearsal緊

跟住輪到我地rehearsal喇

(係，我只係練左兩個字，並非兩個月 :p)

幾十個人要圍住圈，對住個收音咪嗌

人地2001年個室內最高分貝健力士世界紀錄係128.8分貝

其實我地係咁e嗌已經有126 …

嘿，到真係嗌喇

131.6!!!

咁就破左喇？！？！

仲以為多Ｄ人個分貝會高好多 …

既然出到黎，仲唔乘機偷影，哈哈

仲有今晚終於體驗做音樂會木頭人 (又真係幾黑人憎！)

我地差不多坐足全場

農夫係咁叫我地起身，我地好堅持咁無反應，哈哈！

其實我地想企架，但我地無人咁企唧

我坐到咁前都俾個記者遮足全場，你估我唔想企咩

最後都俾面你地，齊齊企啦 XDDD

以為會有安信兄弟出場，點知無喎

完場仲趕得切同張正正式式既世界紀錄證書合照！！！

嘩！好有畢業感覺！！！

到第二日，我條喉嚨好痛

都未痛醒，就發現自己老練咁大個衰樣出現係AM730！！！

生果報仲有圖有聲有畫！！！

但當晚嗌果陣我地見到有個記者向住我地四個狂影

不過今日既報紙又唔見有果個角度既相喎

喂，tony，有無出鏡費先 XDDD

喉嚨痛還痛

lunch同個同事飲茶farewell仲夠膽死係咁叫埋d煎炸野

我使唔使為食到咁呀